Маці Будслаўская

1. У Адраджэньня век залаты
   Узьнікла раптам у Рыме Ты,
   Шляхам цудоўным з дальніх краёў
   Прыйшла да нас, беларусоў.
   
   Пр.: Маці Будслаўская, Маці сьвятая,
   Перад Табою галовы схіляем:
   Нас да сябе Ты прыгарні,
   Ад зла і бед абарані!
   Радзімы край абарані!
2. Тваёй малітвы сьветлая сіла
   Храм у Будславе уваскрасіла.
   Ад рук бязбожных у страшны час
   Ты зьберагла веру для нас.
3. Дзева Марыя, Юзаф сьвяты,
   Вельмі патрэбны для маладых
   Прыклад цярплівай вашай любві,
   Ў якой сакрэт шчасьця сям`і.
4. Ад злой Чарнобыльскае бяды
   Прыкрый гаротных дзетачак Ты
   І Беларускі збалелы край
   Не пакідай, не пакідай.
5. Мы да Будслаўскай крочым сьвятыні,
   Просім заступніцтва перад Сынам.
   Каяцца ёсьць у чым нам усім,
   Хрыста за нас перапрасі!