Кірые, элейсон,
Хрыстэ, элейсон, Кірые, элейсон.
Езу, пачуй нас,
Езу, выслухай нас.
Ойча з неба, Божа,
– змілуйся над намі.
Сыне, Адкупіцель свету, Божа,
– змілуйся над намі.
Духу Святы, Божа,
– змілуйся над намі.
Святая Тройца, адзіны Божа,
– змілуйся над намі.
Святая Марыя,
– маліся за нас.
Святы Андрэй Баболя,
– маліся за нас.
Святы Андрэй, верны паслядоўнік Добрага Пастыра,
– маліся за нас.
Святы Андрэй, які ўшаноўваў Беззаганна Зачатую Панну Марыю,
– маліся за нас.
Святы Андрэй, духоўны сын святога Ігнацыя Лаёлы,
– маліся за нас.
Святы Андрэй, напоўнены Духам Божым,
– маліся за нас.
Святы Андрэй, які палюбіў Бога і бліжніх ажно да ахвяравання свайго жыцця,
– маліся за нас.
Святы Андрэй, адданы Богу і бліжнім у штодзённым жыцці,
– маліся за нас.
Святы Андрэй, злучаны з Богам праз нястомную малітву,
– маліся за нас.
Святы Андрэй, узор хрысціянскай дасканаласці,
– маліся за нас.
Святы Андрэй, апостал Палесся,
– маліся за нас.
Святы Андрэй, пакліканы Богам да з’яднання раздзеленых братоў,
– маліся за нас.
Святы Андрэй, шчыры настаўнік дзяцей і рэлігійна занядбаных людзей,
– маліся за нас.
Святы Андрэй, непахісны ў веры, нягледзячы на пагрозы і катаванні,
– маліся за нас.
Святы Андрэй, мужны ў вялікім цярпенні,
– маліся за нас.
Святы Андрэй, мучанік за еднасць хрысціянаў,
– маліся за нас.
Святы Андрэй, мучанік і апостал,
– маліся за нас.
Святы Андрэй, чыё апостальства працягвалася нават пасля смерці праз вандроўку мучаніцкага цела,
– маліся за нас.
Святы Андрэй, праслаўлены Богам вялікімі цудамі,
– маліся за нас.
Святы Андрэй, гонар нашай Айчыны,
– маліся за нас.
Святы Андрэй, вялікі заступнік Беларусі,
– маліся за нас.
Святы Андрэй, сапраўдны сябра Езуса,
– маліся за нас.
Каб усе хрысціяне былі адным цэлым,
– выпрасі для нас ласку ў Бога.
Каб мы ніколі не адракліся ад нашай веры,
– выпрасі для нас ласку ў Бога.
Каб мы не ўчынілі ніводнага цяжкага граху,
– выпрасі для нас ласку ў Бога.
Каб мы шчыра раскайваліся за нашыя грахі,
– выпрасі для нас ласку ў Бога.
Каб мы аддана супрацоўнічалі з Божай ласкай дзеля збаўлення нашых душаў,
– выпрасі для нас ласку ў Бога.
Каб мы верна служылі Богу,
– выпрасі для нас ласку ў Бога.
Каб мы любілі Найсвяцейшую Панну Марыю, як Маці,
– выпрасі для нас ласку ў Бога.
Каб мы мужна пераносілі ўсялякія цяжкасці,
– выпрасі для нас ласку ў Бога.
Каб мы разам з табою няспынна праслаўлялі Бога,
– выпрасі для нас ласку ў Бога.
Баранку Божы,
які бярэш на сябе грахі свету,
– даруй нам, Езу.
Баранку Божы,
які бярэш на сябе грахі свету,
– выслухай нас, Езу.
Баранку Божы,
які бярэш на сябе грахі свету,
– змілуйся над намі, Езу.
С.: Маліся за нас, святы Андрэй Баболя.
Н.: Каб мы сталіся годнымі абяцанняў Хрыстовых.
Молімся: Божа, Ты праз смерць Твайго Сына хацеў сабраць у адно рассеяных дзяцей Тваіх, учыні, каб мы аддана супрацоўнічалі са справаю Хрыста, за якую аддаў сваё жыццё святы Андрэй, мучанік. Праз Хрыста, Пана нашага.
Н.: Амэн.