ДУ “Брэсцкая абласная філармонія” запрашае:
9 лютага 2025 г., у 13:30, у Касцёле Нараджэння Божай Маці (г. Гомель, вул. Савецкая, 118), адбудзецца канцэрт вакальна-арганнай музыкі “Аве Марыя ў люстэрку стагоддзяў”.
“Аве Марыя” – музыка асаблівага настрою, якая запаўняе прастору боскім гучаннем і вобразамі, народжанымі натхненнем Геніяў-кампазітараў розных стагоддзяў. Узнікаючы неяк неўзаметку паміж радкоў, паміж нот, яна нязменна дасягае самых патаемных глыбінь слухачоў, і абуджае іх для жыцця духоўнага.
“Ave Maria” – вялікая малітва, звернутая да нябёсаў. У ёй – захапленне і надзея, якія стагоддзямі абуджалі ў тых, хто маліўся самыя светлыя пачуцці.
Невыпадкова кампазітары розных краін і стагоддзяў, у бесперапынных спробах зразумення прыгажосці і гармоніі, шукалі мелодыю да яе слоў.
Канцэрт “Аве Марыя ў люстэрку стагоддзяў” – пацвярджэнне неабвержнага факту пастаяннай прысутнасці лепшых класічных узораў у сучаснай культурнай прасторы.
Праграма:
- З. Карг-Элерт. Імправізацыя на харал “Nun danket alle Gott”
- І. С. Бах – Ш. Гуно. «Аве Марыя»
- В. Беліні. Арыя Нормы “Casta Diva” з оперы “Норма”
- А. Дворжак. “Помню, маці, бывала” з цыкла “Цыганскія мелодыі”
- Г. Муфат. Токата прыма
- А. Пьяццолла. «Аве Марыя»
- П. Масканьі. “Аве Марыя” адаптацыя тэмы вядомага “Интермеццо” з оперы “Сельскі гонар”
- Ф. Шуберт. «Аве Марыя»
- Г. Бём. Харальная прэлюдыя “Vater unser”
- Ф. Гендэль. Арыя Морганы “Tornami a vagheggiar” з оперы “Альцына”
- Дж. Б. Пергалезі. “Salve Regina 1” для сапрана і органа з “Salve Regina in c”
- С. Франк. «Panis Angelicus» з «Урачынай імшы»
- М. Дзюпрэ. 4 версеты на тэму гімна “Ave Maris Stella”
- І. Лучанок. «Аве Марыя»
- А. Вівальдзі. “Laudamus Te” з кантаты “Gloria”, RV 589
- Дж. Качыні. «Аве Марыя»
- К. Яськоў. “Motus”
Для Вас выступяць таленавітыя артысты:
- Людміла Карпук/ сапрана, уладальнік Гран-Пры і лаўрэат міжнародных конкурсаў, стыпендыят Спецыяльнага Фонду Прэзідэнта Рэспублікі Беларусь па падтрымцы таленавітай моладзі, Член Беларускага саюза музычных дзеячаў. Салістка Брэсцкай абласной філармоніі, Майстар сцэны.
- Варвара Царук/ арган, лаўрэат міжнародных конкурсаў. Стыпендыят Спецыяльнага Фонду Прэзідэнта Рэспублікі Беларусь па падтрымцы таленавітай моладзі. Арганістка, клавесіністка Беларускай дзяржаўнай філармоніі.
Працягласць праграмы: 75 мін. без антракту.
Кошт квітка: 25 руб.
Падрабязнасці на сайце: https://philart-brest.by/
У дзень канцэнтру білеты можна набыць у Касцёле.